Rótarýklúbburinn Rvk-Breiðholt styrkir nú nemanda í skólanum
“Mondesa Youth Opportunities” í Namibíu fjórða árið í röð en kostnaður við
hvern nemanda er 1000 USD á ári.
Ástæða þess að klúbburinn hóf að styrkja þennan skóla er
heimsókn eins af félögum í hann árið 2018.
MYO skólinn er rekinn í fátækrahverfinu Mondesa í Swakopmund
í Namibíu. Þótt að skólaskylda sé í landinu er kerfið fjársvelt og um 50 börn
eru í hverri kennslustund. Þau 120 börn í 4.-8. bekk, sem eru svo heppin að fá
tækifæri að koma í MYO skólann, koma að loknum venjulegum skóladegi um hádegið,
fá þá að borða og sitja svo í kennslustundum í ensku, stærðfræði, tónlist, ensku,
tölvum, leikfimi og lífsleikni.
Þessi born fá þannig tækifæri til að mennta sig og öll hafa
þau komist í gegnum samræmt próf í lok skólagöngunnar sem hefur gefið þeim
tækifæri til framhaldsmenntunar.
MYO skólinn var stofnaður af Bandaríkjamanninum Rob Myres árið
2003 og er rekinn í gámum sem að skipafélagið MAERSK í Namibíu gaf. Nú er
einnig rekinn leikskóli (Little House of Hope) á vegum MYO en alls eru 250
nemendur í skólanum. Þess má geta að Rótarýklúbbar víða að hafa styrkt starfsemina.
Nánari upplýsingar um skólann er hægt að nálgast hér: http://mondesayouth.org/who-we-are/