Ingibjörn Sigurðsson úr Rótarýklúbbi Keflavíkur hefur verið valinn sem tilefndur umdæmisstjóri 2027-2028. Hlutverk umdæmisstjóra er að leiða starf Rótarý á Íslandi, koma fram fyrir hönd umdæmisins í alþjóðlegu samstarfi og vera tengiliður klúbbanna við alþjóðahreyfinguna - Rotary International (RI) ... Ingibjörn Sigurðsson úr Rótarýklúbbi Keflavíkur hefur verið valinn sem tilefndur umdæmisstjóri 2027-2028. Hlutverk umdæmisstjóra er að leiða starf Rótarý á Íslandi, koma fram fyrir hönd umdæmisins í alþjóðlegu samstarfi og vera tengiliður klúbbanna við alþjóðahreyfinguna - Rotary International (RI). Ingibjörn Sigurðsson gekk til liðs við Rótarýklúbb Keflavíkur 19. maí 2016 og hefur gegnt embættum stallara, ritara og síðast sem forseti 2023 til 2024. Ingibjörn er lærður kjötiðnaðarmaður og tók sveinspróf í þeirri iðn 1994. En þar sem hann ætlaði alltaf að verða bifvélavirki þá kláraði hann sveinspróf í bifvélvirkjun 2006 og starfaði við það. Ingibjörn er 55 ára og í sambúð með Ingibjörgu Steindórsdóttur. Ingbjörn á þrjár dætur og fjögur barnabörn og Ingibjörg á tvo syni. Hvernig fer valið fram? Árlega er kallað eftir tilnefningum til umdæmisstjóraefnis frá klúbbunum og valnefnd, sem skipuð er fyrrverandi umdæmisstjórum, fer yfir tilnefningarnar. Í sérlögum RI er að finna ákvæði um val á umdæmisstjóra, en þau kveða mjög ítarlega á um hvaða reglum skuli fylgja við valið og hvaða skilyrði umdæmisstjóraefni skal uppfylla. Valnefndinni ber að tilnefna þann félaga sem hún telur hæfastan hverju sinni og hefur tök á að þjóna sem umdæmisstjóri. Valið er ekki takmarkað við þær tilnefningar, sem klúbbar í umdæminu leggja fram. Skilyrði eru einkum þau að tilnefndur umdæmisstjóri hafi gegnt embætti forseta í rótarýklúbbi þegar hann er valinn, hafi verið í hreyfingunni í a.m.k. 7 ár áður en hann tekur við embættinu, sé virtur af störfum sínum og hafi haldgóða þekkingu á þeim skyldum sem starfinu fylgja.
Kynningarnefnd Rótarýumdæmisins pr@rotary.is Hlutverk kynningarnefndar er að halda ut...
Rótarýsjóðurinn veitir árlega um 50 styrki til tveggja ára meistaranáms í friðarfræð...
Hvatningarverðlaun í Borgarholtsskóla Árlega eru veitt verðlaun til nemenda sem sýni...
Rótarý er alþjóðleg hreyfing fólks úr viðskipta- og atvinnulífi og opinberri þjónustu sem stendur fyrir mannúðar- og menningarstarfi, stuðlar að sem bestu siðgæði í öllum starfsgreinum og hvetur til góðvildar og friðar í heiminum.
Í dag eru klúbbarnir á Íslandi 32 og rótarýfélagar af báðum kynjum og á fjölbreyttum aldri.
Rótarýfélagar eru fulltrúar sinnar starfsgreinar, karla og konur sem hafa það sameiginlega markmið að láta gott af sér leiða undir kjörorðinu „Þjónusta framar eigin hag“.
Upphaf og markmið Rótarýhreyfingin er alþjóðafélagsskapur leiðandi manna sem sameinast um þá ósk að þjóna öðrum án tillits til trúarbragða, stjórnmála, kynþátta eða þjóðernis. Þá er viðurkennt að vilji til þjónustu sé frumskilyrði allra starfa sem séu vel af hendi leyst og hæfileikinn að setja sig í spor annarra manna, skilja sjónarmið þeirra og veita þeim aðstoð og ánægju. Rótarý leitast við að ná þessu markmiði með því að stuðla að skilningi og friði meðal allra manna og þjóða, efla frelsi og réttlæti í viðhorfum til mannlegs lífs en taka um leið fullt tillit til hins sérstaka í fjölbreytninni og fjölbreytninni í því sérstaka.
Stofnandi fyrsta rótarýklúbbsins var nær fertugur lögfræðingur í Chicagóborg í Bandaríkjunum, Paul Harris að nafni.
Fyrsti rótarýklúbburinn hér á landi var stofnaður í Reykjavík 13. september árið 1934. Það voru rótarýfélagar í Kaupmannahöfn sem beittu sér fyrir stofnun Rótarýklúbbs Reykjavíkur.
Sjá einnig almenna síðu Rótarý á Íslandi á www.rotary.is
Smellið á deplana á myndunum til að opna vefsíðu viðkomandi klúbbs. Haldið bendlinum yfir depli til að sjá hvaða klúbbur þar er.
Óstaðbundnir klúbbar eru:
